Azərbaycan ədəbiyyatının daha bir xariqəsi "Oqtay Eloğlu" ədəbiyyatımızın inkişafı və zənginləşməsində misilsiz xidmətləri olan Cəfər Cabbarlının əsərlərindən biridir. Bəs Oqtay Eloğlu kimdir? Və əsər nə barədədir?
Oqtay Eloğlu özünü xalqına həsr edən insanların ümumiləşdirilmiş obrazıdır. Oqtayın əsas qayəsi milli teatr yaratmaqdır lakin yaşadığı dövr və mühit buna imkan vermir. Seçdiyi yolda nadan, şöhrətpərəst insanlarla, saxtakar ziyalılarla mübarizə aparmağa məcbur qalır. Bütün bunların arasında isə Firəngiz adlı bir qızla aralarında sevgi münasibətləri yaranır. Bu sevgi isə Oqtayın həyatındakı çətinliklərin artmasına səbəb olur. Oqtay saxtalıqlara dolu həyatda gerçəkliyi axtarmağa başlayır. Həyatın, insanların süniliyi artıq onu bezdirir. Sonda Oqtayın dediyi sözlər isə oxucunu dərin düşüncələr girdabına çəkir. Bir tərəfdə haqsızlığa uğrayan Oqtay digər tərəfdə isə dərin məhəbbətlə onu sevən, günahsız bir qadın...
Mənim üçün bu əsər
İblis dən sonra ədəbiyyatımızın digər zirvəsidir. Əsərin gözlənilməz sonluğu insanda çox dərin izlər buraxır. Oqtayın son sözləri bütün insanlara, süniliklərin qurbanı olan bəşəriyyətə müraciətdir. Kimdir müqəssir? Mühit, insanlar, ölən yoxsa öldürən? Bu sualın dəqiq bir cavabını vermək mümkün deyil və əsəri əvəzsiz edən də məhz budur.
Hər kəsin oxumalı olduğu əsərlərdən biridir deyir və oxumağınızı şiddətlə tövsiyə edirəm. Xoş mütaliələr!
Oqtay EloğluCafer Cabbarlı · Qanun Nəşriyyatı · 2021313 okunma
Mənim sol əlimdə yanıq yeri var,
O mənə töhfədir körpəliyimdən.
...Əlimi yandırıb tanıdım odu.
Mənim həyat ilə ilk tanışlığım,
Əlimi yandıran oddan başladı...